Ancje chest an - dai 9 ai 19 di Mai - la Societât Filologjiche Furlane e promôf la
Setemane de culture furlane, rivade ae VI edizion.
Une largje schirie di apontaments e di iniziativis culturâls - fintremai 150 - che a impegnaran la Societât Filologjiche adun cu lis tantis istituzions e associazions che a colaborin pal bon pro de rassegne, lant a promovi cetancj aspiets de culture furlane, de storie al ambient, de leteradure ae lenghe, de musiche ae art, cun atenzion particolâr pai plui zovins.
La edizion 2019 e à un valôr particolâr stant che chest an a colin i 100 agns di fondazion de Societât.
Chi dongje si pues discjamâ il librut de rassegne.
Par viodi dut il program, cjalait il sît internet
www.setemane.it