O sês ducj invidâts ae presentazion dal

Strolic furlan pal 2015

par cure di Claudio Romanzin

Martars ai 25 di Novembar 2014, aes 17.30
Udin, Palaç Belgrado, sede de Provincie di Udin - place Patriarcjât, 3

Al presenterà il Strolic Pierino Donada

E sarà la ocasion par presentâ ancje il Lunari 2015 de Filologjiche, dedicât a "blecs e afresc di Palaç Mantica", sede storiche dal Sodalizi, stampât in gracie de poie de Bancje Popolâr di Cividât.

...mandi, cul bon pro di Sante Catarine!

La edizion 2015 dal librut de Societât Filologjiche Furlane, che al compagne i letôrs par dut l’an cun poesiis, contis, proverbis e mûts di dî furlans, e je stade metude adun di Claudio Romanzin e e à par teme Pan, furlan e fantasie.
Une sbrocade di fantasie, duncje, cui tescj e cui dissens fats sedi dai arlêfs des scuelis – a àn dât il lôr contribût i scuelârs des primariis di Pinçan dal Tiliment e Sant Zorç de Richinvelde e chei des scuelis mediis di Cosean, Feagne, Felet e Mueç – sedi dai  partecipants ai cors pratics di lenghe e culture furlane de Filologjiche. L’obietîf al è chel di mostrâ che la marilenghe e je “vive e vivarose”. Nol mancje ce ridi, cui fumuts satirics metûts dentri mês par mês e lis previsions di "Barbe Zuan".