1n premi leterari bienâl "Dolfo Zorzut" 

edizion 2009

Il Comun di Cormòns, cul patrocini de Provincie di Guriza, in colaborazion cu la Associazion cormonese "Amîs da Mont Quarine" e la Societât Filologjiche Furlane, al inmanee il concors dal Premi Leterari bienâl intitulât ae memorie dal scritôr furlan cormonês Dolofo Zorzut.

Il teme dal concors al è "Ambient, leterarture e liendis di Cormòns e des culinis dal teritori".

Il concors bienâl si divit in trê sezions:
A. NARATIVE 
Premi di 500 euro par une prose curte o conte par talian, o furlan, o sloven.     
B. POESIE
Premi di 500 euro par poesiis par talian, o furlan, o sloven.     
C. STUDENTS   
Premi di 300 euro in cedule acuist libris par une conte par talian, o furlan, o sloven.   
Premidi 300 euro in cedule acuist libris par une poesie par talian, o furlan, o sloven.    

REGOLAMENT  

Art. 1- TESCJ  
I tescj di dutis lis sezions no devin jessi za publicâts, a àn di rivâ scrits cun l'ordenadôr, stampâts su cjarte e disponibii su discut.   
Sezion narative: Si domande tescj di un minim di 3 a un massim di 5 cartelis, di 30 riis par 60 batudis.   
Sezion poesie: Si domande une racolte componude di un minim di 3 a un massim di 5 poesiis.    

Art. 2- SPEDIZION
I tescj a dovaran jessi consegnâts in cinc copiis in plic sierât, cun scrit parsore: "1n Premi Leterâri Bienâl Dolfo Zorzut" e segnade la sezion che a concorin. Il scrit o i scrits metûts tal plic a dovaran jessi anonims e compagnâts di une buste sierade cun dentri il non e cognon, il recapit, il numar di telefon dal autôr e i titui des oparis. Par la Sezion students a dovaran jessi in plui segnadis la classe e la scuele frecuentadis.  L'organizazion a garantìs che i dâts personâi furnîts a vignaran doprâts dome ai fins dal concors tal rispiet de leç. I lavôrs a devin rivà a la Biblioteche dal Comun di Cormòns, vie Matteotti,77, dentri misdì dal 31 dal mês di Marz 2009, pe pueste prioritarie o consegnâs a man. In câs che il plic al rivi dopo la date indicade e fasarà fede la date dal bol postâl.     

Art. 3- JURIE
I lavôrs a saràn judicâts di une jurie cualificade , componude dai membris nomenâts dai organizators, scels tra esperts dal setôr, insegnans, giornalists o scritôrs.      
Lis decisions de jurie a son cence apelazion. Se la jurie judicarà che nissun lavôr di une des sezions al mereti il premi, chest nol sarà assegnât, o pûr - in câs di ex-aequo- al sarà sudividût in parts compagnis tra lis oparis ritignudis meritôris da la stesse sezion.      

Art. 4- OPARIS SEGNALADIS   
La Jurie si risierve di segnalâ altris oparis consideradis particolarmentri meritevulis.     

Art.5- DIRIT D'AUTÔR    
I lavôrs, ancje se no premiâts e segnalâts, no vignaràn tornâts e a restaràn di proprietât dal Comun di Cormòns che, se al crodarà, al podarà decidi di publicâju. A chest fin i partecipants a dovaran meti te buste sierade che si fevele tal art.2 une declarazion che si trate di "opare mai publicade" e il preventîf consens a la publicazion cun espress rinuncie a ogni dirit di autôr, no saran comunicâts i judizis su lis oparis no classificadis.

Art. 6- INFORMATIVE      
La partecipazion al concors e compuarte la plene acetazion di chest bant e parie la autorizazion al Comun, de bande dal autôr, a conservâ i dâts personâi declarâts, intindût che l'ûs di chescj al è colegât al premi e relativis operazions che e che no si dovaran doprà par finalitât diviarse di chê previodude.

Art.7- PREMIAZIONS    
La procalmazion dai vincidôrs e dai autôrs segnalâts si davuelzarà  in ocasion de "Fieste da Viarte" in date e lûc che a saràn comunicâts ai premiâts e segnalâts cun avîs individuâl. I vincidôrs a dovaran ritirâ in persone i premis. .

Par informazions:
Biblioteche Comunâl di Cormòns
Vie Matteotti, 77       
Oraris:   
lunis e joibe 15.30-19.00   
miercus, vinars e sabide 10.00-12.00

- Viôt il regolament in formât pdf