No si pues fevelâ di leterature furlane cence ricuardâ il premi San Simon, il plui impuartant ricognossiment pe scriture in marilenghe, nassût intal 1979 par volontât dal Comun di Codroip e intitulât ae figure dal inzegnîr Agnul Di Spere (Angelo Pittana).
Tra lis pagjinis e i Sants. Storiis e autôrs dal premi San Simon e je une trasmission radiofoniche pe Rai dal Friûl Vignesie Julie par cure de Societât Filologjiche Furlane, cu lis vôs di Serena Fogolini e Walter Tomada e cun leturis di Massimo Somaglino. Vie pes pontadis, che a laran in onde la sabide, cun orari 13.42, i scoltadôrs a podaran cognossi cualchidun dai vincidôrs, intun percors indaûr intal timp ae scuvierte di personaçs e curiositâts platâts intes pagjinis de storie di chest premi leterari.
Sabide ai 5 di Otubar
Alan Brusini (prin vincidôr dal San Simon) - Par stradis lungjis
Sabide ai 12 di Otubar
pre Antoni Beline - Pre Pitin, Trilogjie Tormentade
Sabide ai 19 di Otubar
Franco Marchetta - Madalene, Cronichis di Saveri Sengar, U-
Sabide ai 26 di Otubar
Gianluca Franco (vincidôr 2023) - Il Friûl pierdût (traduzion di une conte di Sergio Maldini)
La cerimonie di premiazion de edizion 2024 si fasarà la dì di San Simon, ai 28 di Otubar, a Codroip.
Dutis lis pontadis di Tra lis pagjinis e i Sants si podaran tornâ a scoltâ su Rai Play sound, dentri dal podcast Conte che ti conti.