Concors di traduzion dal grêc e dal latin al furlan

La associazion “Gli Stelliniani” e la Societât Filologjiche Furlane, in colaborazion cul Liceu Classic “Jacopo Stellini” di Udin, a organizin ogni an il Concors di traduzion dal grêc e dal latin al furlan. Pal concors si à di voltâ par furlan un test di un autôr grêc o latin. 

Tal concors pe traduzion dal grêc a son dôs categoriis: une pai students dal gjinasi e une par chei dal liceu. Ancje tal concors pe traduzion pal latin a son dôs categoriis: une pal bieni e une pal trieni. 

Il concors al è viert a ducj i students dai liceus dal Friûl. Al ven sielzût un vincitôr par ogni sezion. Cun di plui, si puedin segnalâ altris doi lavôrs par ogni sezion. Il premi par chei che a vincin e par chei che a vegnin segnalâts a son libris. I tescj che a vincin a puedin jessi publicâts de Societât Filologjiche Furlane e de associazion "Gli Stelliniani". 

Al è dât fûr l'avîs pal 2016 e al è timp par partecipâ fin ai 30 di Avrîl dal 2016.

Regolament e tescj si puedin discjamâ achì sot.