Inte suaze di Nadâl in Filologjiche 2024, il Docuscuele al clame adun i fruts e lis lôr fameis par passâ un dopomisdì di fieste cun Teo, Spitz Parkli e la Fadute di For, i personaçs dai gnûfs libris pe infanzie burîts fûr de Societât Filologjiche Furlane.
Lunis ai 2 di Dicembar aes 17.00 in Palaç Mantica in vie Manin 18 a Udin a saran duncje presentâts i libris in plui lenghis:
• Buine gnot Teo | Buonanotte Teo | Good night Teo di Barbara Jelenkovich e Giovanna Zordan
• SPITZ PARKLI. Bentornati | Wilkommen zurück | Bentornâts | Welcome back di Federica Pagnucco, Arianna Donadelli e Sara Beinat
• La Fatina di Forni | La Fadute di For di Paola Cosolo Marangon e Fabiola Perissutti
Cun leturis, laboratoris e zûcs in compagnie des autoris e ilustradoris dai libris biel che si fâs mirinde ducj insiemi!
Jentrade libare e sore nuie.
Cun di plui par dut il mês di Dicembar ti spietìn in Filologjiche
cuntun scont speciâl dal 30% su ducj i nestris libris (e i insegnants a puedin doprâ la cjarte dal docent)!