La Societât Filologjiche Furlane, che e à dât il patrocini, e segnale il concors leterari in lenghe furlane

Vôs de Basse

Iniziative dai Comuns di Cjarlins, Gonârs, Muçane, Porpêt, Prissinins e San Zorç di Noiâr, cul patrocini de Societât Filologjiche Furlane, de Cooperative Informazion Furlane e de sezion di San Zorç di Noiâr de Universitât de Tierce Etât “Paolo Naliato”.

La idee di fonde e je chê di stiçâ la produzion scrite in lenghe furlane, ricuardant tal stes timp i autôrs che a àn insiorât il panorame culturâl de Basse Furlane.

Il concors al è dividût in trê sezions, lis primis dôs risiervadis ai grancj, e une tierce pai arlêfs des scuelis superiôrs di prin e secont grât.

La sezion "Narative" e domande la elaborazion di contis curtis (teme libar), curts teatrâi o traduzions di contis curtis. La sezion"Poesie" e je dedicade a componiments poetics o traduzions di poesiis. E je ancje une sezion pai students.

I lavôrs a varan di rivâ, in buste sierade o a man, al Ufici Protocol dal Comun di San Zorç di Noiâr, Place dal Municipi 1, 33058 San Zorç di Noiâr (Udin), dentri des 5 e mieze daspò di misdì di lunis ai 11 di Dicembar dal 2017.