I Comuns di Cjarlins, Gonârs, Muçane, Porpêt, Prissinins e San Zorç di Noiâr, midiant dal sportel associât pe lenghe furlane, a bandissin la IV edizion dal concors leterari “Vôs de Basse”, cul patrocini de Societât Filologjiche Furlane e de Cooperative Informazione Friulana.
Il concors al è dividût in cuatri sezions: narative, poesie, traduzion e une sezion dedicade ai students des scuelis secondariis di prin e secont grât.
La idee di fonde e je chê di stiçâ la produzion scrite in lenghe furlane, ricuardant tal stes timp lis figuris che a àn insiorât il panorame culturâl de Basse Furlane, tant che Pre Zaneto, Tita Marzuttini, Gina Marpillero, Luciano Morandini, Alviero Negro, Pierluigi Visintin.
La partecipazion e je sore nuie e vierte a ducj i autôrs che a scrivin par furlan, che a sedin a stâ in Italie o pûr tal forest.
In zonte il bant e la schede di adesion.