La Societât Filologjiche Furlane, che insiemi cun Radio Onde Furlane e da il patrocini a la iniziative, e à il plasê di invidâUs a la cerimonie di premiazion de IV edizion dal premi leterari Vôs de Basse, burît fûr dal Sportel associât pe lenghe furlane dai Comuns di Cjarlins, Gonârs, Muçane, Porpêt, Prissinins e San Zorç di Noiâr.
Sabide ai 16 di Otubar dal 2021, aes 4 e mize daspomisdì, te sale conferencis di Vile Dora a San Zorç di Noiâr, a saran premiâts i vincidôrs des sezions narative, poesie e traduzion.
Leture des contis par cure de Ostarie leterarie Contecurte.
Interpretazion musicâl des poesiis par cure di Nicole Coceancig e Leo Virgili.