I Comuns di Cjarlins, Gonârs, Muçane, Porpêt, Prissinins e San Zorç di Noiâr, midiant dal lôr sportel associât pe lenghe furlane, a bandissin di gnûf il concors leterari “Vôs de Basse”, cul patrocini de Societât Filologjiche Furlane e de Cooperative Informazione Friulana/ Radio Onde Furlane.
Il concors al è dividût in trê sezions, dôs pai grancj e une dedicade ai students des scuelis secondariis di prin e secont grât.
La idee di fonde e je chê di stiçâ la produzion scrite in lenghe furlane, ricuardant tal stes timp lis figuris che a àn insiorât il panorame culturâl de Basse Furlane, tant che Pre Zaneto, Tita Marzuttini, Gina Marpillero, Luciano Morandini, Alviero Negro e Pierluigi Visintin.
La partecipazion e je sore nuie e e je vierte a ducj chei che a àn voie di provâ a scrivi in lenghe furlane, che a sedin a stâ in Italie o pûr tal forest.
In zonte il bant e la schede di adesion.
Par informazions e par vê sclariments:
Sportel associât pe lenghe furlane (rif. dotore Serena Fogolini)
sportel.furlan@bassefurlane.eu
Biblioteche di San Zorç di Noiâr
Tel.: 0431 620281
tes zornadis di martars e di joibe
des 10.00 aes 13.00 e des 14.30 aes 19.00