Il Centri European di Ricercje sul Multilinguisim e sul Aprendiment des Lenghis “Mercator” al à di pôc publicât la seconde edizion dal dossier regjonâl dedicât a la lenghe furlane a scuele. La Societât Filologjiche Furlane e je stade daûr da lis edizions par furlan e par talian dal dossier: la XI zornade de scuele furlane e devente, duncje, la ocasion buine par dâ fûr ai partecipants chestis publicazions e par presentâ la ricercje insiemi a ducj i protagoniscj dal lavôr, che al devente il pont di dulà tacâ a vierzi un dibatit seri e propositîf sul avignî da la lenghe furlane a scuele.
Il program da la zornade si lu discjame in cheste pagjine a la vôs download o pûr sul sît dal Docuscuele, li che si à di iscrivisi dentri dai 11 di Avrîl.
A son in program ancje altris dôs presentazions dal dossier Mercator:
Joibe ai 11 di Avrîl aes 15.00
Universitât dal Friûl, Auditorium "Carlo Sgorlon", Aree de Formazion
Udin, vie Margreth
Vinars ai 12 di Avrîl aes 17.30
Salon di Palaç Belgrât
Udin, place dal Patriarcjât