La Societât Filologjiche Furlane, in colaborazion cul Comun di Udin, e bandìs il Premi leterari "Carlo Sgorlon", pai students dai Istitûts di istruzion secondarie di II grât.
Il Premi, dividût intes sezions sagjistiche e narative, al intint memoreâ il scritôr Carlo Sgorlon che cu la sô opare, in lenghe taliane e in lenghe furlane, si è afermât a nivel nazionâl e internazionâl.
Cun di plui il Premi al intint promovi il studi, la riflession e la divulgazion de opare di Sgorlon e dai siei temis, in particolâr jenfri lis gnovis gjenerazions.