E je inviade la edizion 2025 dai Cors pratics di lenghe e culture furlane, inmaneâts de Societât Filologjiche Furlane cu la colaborazion fondamentâl dai Comuns dal Friûl.
Tai Cors pratics si studiin la gramatiche e la grafie de lenghe furlane, cun chê che si lei e si scrivi simpri di plui in marilenghe. Si fevele ancje dai aspiets storics, culturâi, leteraris e des tradizions popolârs. Propit cun chest fin, in armonie cui cors, si organizin lezions viertis (ven a stâi conferencis là che a puedin partecipâ ducj) e visitis guidadis in lûcs de regjon che a àn un interès storic e artistic particolâr.
Lis lezions, par un totâl di 26 oris, a son viertis a ducj, a gratis, cence limits di etât. Nol covente un titul di studi specific ni une cognossince preliminâr dal furlan, fûr che pai cors di nivel intermedi.
L'atestât di frecuence al ven dât a cui che al frecuente almancul il 70% des oris di lezion e al è titul culturâl par jentrâ te Liste regjonâl di insegnants cun competencis di lenghe furlane.
I Cors pratics di lenghe e culture furlane a son un progjet finanziât de ARLeF Agjenzie Regjonâl pe Lenghe Furlane e de Regjon Autonome Friûl - Vignesie Julie.
***
Cors ativâts edizion 2025:
- Cividât - lezions di miercus, orari 5-7 dopo misdì, te Biblioteche civiche, plaçute Chiarottini 6. Docente Adina Ruffini. Info tel. 0432 710310 - email biblioteca@cividale.net
- Cjopris e Viscon - lezions di martars, orari 8-10 di sere, te sale consiliâr, vie Roma 2. Docent Michele Calligaris. Info tel. 0432 501598 int. 3 / 339 1784916
- Colorêt di Montalban - il cors al è finît
-
Jalmic di Palme - lezions di
miercus, orari 6-8 di sere, tal Circul "Ai cuatri borgs", vie Udin 5. Docente Silla Stel. Info
cultura@comune.palmanova.ud.it
-
Sacîl - lezions di
vinars, orari 5-7 di sere, te sede UTE, Ospitale di San Gregorio, vie Garibaldi 62. Docent Flavio Vidoni. Info
info@utesacile.it tel. 0434 72226
- Tumieç - i 2 cors ativâts si tegnin di miercus, un di nivel principiants, orari 6-8 di sere, e un di nivel intermedi, orari 8-10 di sere, te sale multimediâl di Palaço Frisacco, vie Renato Del Din 7. Docente Serena Fogolini. Discjame il calendari des lezions dal download. Info cultura@comune.tolmezzo.ud.it
Discjame lis locandinis dal download!
Altris cors a saran proponûts te session de Sierade, cul mês di Setembar dal 2025
Referent:
Elena De Sanctis
tel. 0432 501598, int. 3
formazione@filologicafriulana.it