La Setemane de culture furlane / Settimana della cultura friulana 2025 e sarà di joibe ai 8 fin a domenie ai 18 di Mai. Si rive chest an ae edizion numar 12: un risultât impuartant pe Societât Filologjiche Furlane, che e metarà adun un program une vore larc di iniziativis di cualitât.
I ents e lis associazions dal teritori a puedin mandânus lis lôr propuestis a mieç de schede che si pues discjamâ in cheste pagjine, jemplâle e mandâle aes direzions di pueste eletroniche info@filologicafriulana.it e eventi@filologicafriulana.it dentri dai 15 di Març dal 2025.
In cheste pagjine si puedin discjamâ ancje la letare del President e la liste dai aniversaris di nassite e di muart che a colin tal 2025, aniversaris di personaçs che cu la lôr opare a àn dât onôr al nestri Friûl e che si puedin ricuardâ cun iniziativis di pueste.
Tal sît internet www.setemane.it si puedin tornâ a viodi cetancj events dai agns passâts.